UIT DIE KANTOOR

Welkom terug by die tweede kwartaal van 2021. ’n Spesiale welkom aan al ons nuwe leerders. Hierdie kwartaal is die begin van nuwe avontuur, nuwe uitdagings en nuwe vriende. Ons glo dat julle baie gelukkig hier sal wees en wonderlike herinneringe hier sal bou.

Ons vertrou dat ons leerders, ouers en personeel die ruskans terdeë geniet het. Graag wens ek u ’n gelukkige en opwindende nuwe kwartaal toe.

“The next level of results requires the next level of thinking.” – Ray Vaden

 

SKOOLUNIFORM

Die leerders mag kies of hulle winters- of somersdrag wil dra. Let wel dat ’n leerder volledige somersdrag of volledige wintersdrag moet dra. Winters- en somersdrag mag dus nie gemeng word nie.

 

PARTYTJIEPAKKIES

Die besluit is geneem dat partytjiepakkies weer skool toe gestuur mag word. Let wel, elke item moet asseblief individueel verpak wees.

 

VERANDERDE TOETSDATUMS

Druk asseblief op die onderstaande skakel vir die nuwe toetsrooster. Van die toetsdatums het verander as gevolg van die kwartaaldatums wat verander het.

 

OUERMIDDAG

Die ouermiddag vind op Maandag 19 April via zoomsessies plaas. Afsprake moet asseblief op die ouerpoort gemaak word. Geen e-posse word aanvaar nie. Die ouerpoort sal oop wees vanaf Donderdag 15 April om 16:00 tot 19 April om 12:00. Geen afsprake kan dus later as 12:00 op Maandag 19 April gemaak word nie.

Teken aan op die ouerpoort met u “Parent Id” (kode begin met die waarde 3) en wagwoord.
Druk op die “Student tab”
Druk op die leerder se foto
Druk op die “Parent/Teacher Appointments”
Kies ‘n onderwyser
Druk op ‘n tydsgleuf

U sal vir elke afspraak wat gemaak word, ‘n e-pos ter bevestiging ontvang, wat dan ook die zoomskakel vir daardie spesifieke afspraak sal insluit.

 

SKAAK

Neem asseblief kennis van die skaaktye vir kwartaal 2.

Graad 1 en 2: 13:30 – 14:00
Graad 3 en 4: 14:00 – 15:00
Graad 5, 6 en 7: 15:00 – 16:00

 

CHORAL VERSE

Choral Verse is ʼn buitemuurse aktiwiteit waaraan almal van graad 1 tot 7 kan deelneem. Daar is geen oudisieproses nie en almal wat wil deelneem is welkom.

Choral Verse 2021 sal op Woensdag 28 April begin. Oefeninge sal op die volgende tye plaasvind:

15:00 – 15:30 Junior Choral Verse (Graad 1 – 3) in Juffrou Terri Janse van Rensburg se klas
15:30 – 16:15 Senior Choral Verse (Graad 4 – 7) in die saal

Leerders wat nie fietsry of huis toe stap nie, moet asseblief na die oefening by Hek 3 gehaal word.

 

LANDLOOP-VOORSEISOEN (KWARTAAL 2)

Die AGN-landloop se klubseisoen begin komende Saterdag 17 April. Alle leerders is welkom om deel te neem.

Daar is baie belangrike inligting op die skool se webblad rakende kwartaal 2 se landloop byeenkomste. Lees asseblief deeglik daardeur.

Indien u nog nie op ons WhatsApp groep is nie, stuur vir ons ’n e-pos sodat ons u kan byvoeg.
Mnr. Sauer: gerhards@midstreamcollege.co.za
Mnr. Smith: dirks@midstreamcollege.co.za

Die oefensessies is op Maandae, Dinsdae en Donderdae van 14:00 – 15:00.

 

DIE UNIFORMWINKEL

Die uniformwinkel sal op 26 en 27 April gesluit wees, maar sal op Saterdag 1 Mei 2021 vanaf 9:00 tot 13:00 oop wees.

 

RUITERKUNS

Ons ruiters het die naweek van 27 en 28 Maart aan die eerste kwalifiserende rondte by Eaton Farm deelgeneem. Baie geluk aan al ons talentvolle ruiters.

Druk op die onderstaande skakel vir die uitslae.

 

GRAAD 8-INSKRYWINGS 2022

Graad 8-inskrywings vir 2022 is tot Vrydag 30 April 2021 beskikbaar. Indien u kind by Midstream College gaan inskryf, moet u asseblief aanlyn aansoek doen.

Besoek asseblief die Midstream College webblad vir al die nodige instruksies en die aanlyn toelatingsvorm.

Vir enige navrae kontak me. Carine Cronje (carinec@midstreamcollege.co.za).

 

SNOEPIE: TUCK IN

Vir u gerief het Tuck In nou ook ’n aanlyn winkel waar u kosblikkies, slaaie, toebroodjies, lekkernye,  gekookte middagetes en kombo’s kan bestel.
Besoek gerus die aanlyn winkel en bestel vandag!