UIT DIE KANTOOR

Paastyd is ‘n tyd van vernuwing en ontwaking.
Paastyd bring geluk.
Paastyd bring God se eindelose seëninge.
Paastyd bring liefde, om ons harte met blydskap, vrede en vreugde te vul.

Mag die wonderwerk van die Paasfees vir ons hernude vrede, hoop, geloof, liefde, voorspoed en vreugde bring wat vir ewig in ons harte sal bly.

Ons wens elke Midstream-gesin ʼn wonderlike, geseënde Paasfees toe.

Mag u huis hierdie vakansie met pret en vreugde gevul word, u hart met liefde en u lewe met geluk en lag.

 

VRYDAG 26 MAART

Ons wil graag die laaste dag van die kwartaal feesvier. Ons feesdag sal ʼn slenterdag, Kaskardag, ʼn opvoering deur Act Studios en ʼn Paasboodskap vir leerders insluit. Al hierdie items sal binne die COVID-regulasies plaasvind.

Hiermee die tye wat die skool op 26 Maart vir die onderskeie grade sal sluit:
11:15 – skool sluit vir graad 1’s & 2’s
11:30 – skool sluit vir graad 3’s, 4’s & 5’s
11:40 – skool sluit vir graad 6’s & 7’s 
12:00 – skool sluit vir graad 8’s, 9’s, 10's, 11's & 12’s.  

 

TOTSIENS

Dit is met hartseer dat ons afskeid neem van mev. Jane Henderson wat om gesondheidsredes besluit het om Midstream College te verlaat. Ons bedank haar vir haar harde werk en toewyding. Sy sal regtig gemis word deur almal by Midstream College. Ons wens haar alles van die beste toe vir haar toekoms. Ons verwelkom Lané Rosser wat mev. Henderson se pos in die tweede kwartaal sal volstaan. Hierdie pos word permanent gevul deur Larian Botha, wat tans haar kontraktuele verpligtinge nakom tot die einde van kwartaal 2.

 

GELUKWENSING

Juffrou Charlene Myburgh gaan gedurende die vakansie trou, ons wens haar ‘n baie gelukkige dag toe en sien uit daarna om haar as mev. Fick te verwelkom.

 

RAPPORTE

Rapporte sal Vrydag 26 Maart om 12:00 op die Ouerpoort (Parent Portal) beskikbaar wees.

Klik op die skakel en meld soos gewoonlik aan (login) met die Parent ID wat met die numeriese nommer 3__ begin.
Klik op Students, dan op u kind se foto en klik dan op Report Card.

 

2021 KULTUURFEESINLIGTING

Daar word met trots aangekondig dat die jaarlikse Kultuurfees weer binnekort in volle swang gaan wees.
 
Vanjaar se tema is “Next Level”. Baie van die afdelings vereis dat dié tema uitgebeeld moet word. Vergewis u asseblief van elke afdeling se vereistes.

Massadeelname is vir ons ’n prioriteit, daarom wil ons elke leerder aanmoedig om aan ten minste een item deel te neem. Inskrywingsgelde sal slegs betaal word vir handwerk, “Terrific Tekkies”, “Flavour Festival”, “Master Class” en “Leading Ladies”.

Elke deelnemer ontvang ’n sertifikaat. Die beoordelaars se beslissing is finaal. U word vriendelik versoek om u kind te begelei in die keuse en inoefening van items. U is welkom om u kind self af te rig.

Let wel: Die personeel is slegs in beheer van afdelings, maar rig nie self af nie. Verseker asseblief dat u kind goed voorberei vir elke item, aangesien ’n onafgeronde vertoning kinders in die verleentheid kan stel.
 
Punte word vir deelname toegeken. Punte vir deelname, sowel as die simbole wat tydens optredes behaal word, word saam bereken om die algehele beste kultuurleerder te bepaal. Die leerders word by die Big Brag-aand aangekondig.

Let asseblief op die beperkings by die verskillende afdelings en hou ook in gedagte dat van die items op dieselfde dag plaasvind.

Geen laat inskrywings sal aanvaar word nie. Sluitingsdatum vir inskrywings is 26 Maart 2021.

Alle leerders van ons skool mag deelneem en die verrigtinge in die middae as toeskouers bywoon. Geen leerder van ander skole mag aan ons kultuurfees deelneem nie. Ouers mag nie op hierdie stadium kom kyk of luister nie a.g.v. COVID-regulasies.

HOE WERK DIE INSKRYWINGS?
Alle items word via die Ouerpoort ingeskryf, behalwe instrumentaal wat via Google forms ingeskryf moet word. Dit is as gevolg van die verskeidenheid kategorieë wat per instrument beskikbaar is. (Sien skakel op Ouerpoort.)
Volg asseblief die onderstaande skakel na die Ouerpoort en druk op die Students-tab.
Druk op die leerder se foto en kies die “Cultural Festival Entries”-tab.
Vir meer inligting rakende ’n item, druk op die betrokke aktiwiteit.
Oefen jou keuses uit deur op die vierkant te druk. Nadat al die keuses gemaak is, druk op die “Sign Up”-knoppie regs-boaan die skerm.
Die aktiwiteite sal nou onderaan die skerm vertoon en u is suksesvol ingeskryf.

 

DIE UNIFORMWINKEL

Neem asseblief kennis van die winkelure gedurende die vakansie:
26 Maart 2021                        07:00 – 15:00
27 Maart tot 7 April 2021      Gesluit
8, 9, 12 April 2021                 08:00 – 16:00
13 April 2021                          08:00 – 17:00
Vanaf 14 April 2021              07:00 – 17:00

 

KREATIEWE EN PRETVAKANSIEKLUB

’n Vakansieklub vir graad 1- tot 7-leerders word vanaf 29 Maart tot 1 April by die skool aangebied.
Vir enige navrae kontak Louise op 083 412 6834.

 

RUITERKUNS

Morgan Parmenter-Bridger het Maandag 22 Maart in Fourways aan ʼn Gegradeerde ruiterkunsskou deelgeneem.

Die uitslae was soos volg:

1ste ‒ 60 cm Speed Competition
1ste ‒ 60 cm A2 Accumulator Competition.

Welgedaan, Morgan.

 

MUURBAL

Elzandri Janse van Rensburg (Gauteng-Noord) het deelgeneem aan die Muurbal SA kwalifiseerder toernooi wat 19 ‒ 22 Maart in Bloemfontein gehou is.

Sy het in die eindstryd naelskraap teen Michaela Naidoo van Natal verloor (14‒17, 15‒11, 11‒15, 11‒15) en het ʼn uitstekende 2de posisie behaal.

Baie geluk, Elzandri.

 

GRAAD 8-INSKRYWINGS 2022

Graad 8-inskrywings vir 2022 is tot Vrydag 30 April 2021 beskikbaar. Indien u kind by Midstream College gaan inskryf, moet u asseblief aanlyn aansoek doen.

Besoek asseblief die Midstream College webblad vir al die nodige instruksies en die aanlyn toelatingsvorm.

Vir enige navrae kontak me. Carine Cronje (carinec@midstreamcollege.co.za).

 

SNOEPIE: TUCK IN

Vir u gerief het Tuck In nou ook ’n aanlyn winkel waar u kosblikkies, slaaie, toebroodjies, lekkernye,  gekookte middagetes en kombo’s kan bestel.
Besoek gerus die aanlyn winkel en bestel vandag!

 

PONIEKAMP

Perdry is ’n wonderlike aktiwiteit wat die selfbeeld verhoog en goeie balans, koördinasie en die korrekte postuur aanmoedig.

Vir kinders wat meer inligting verlang en die geleentheid wil hê om perdry te probeer, kontak Karen Portman by 082 573 4797 of stuur ’n e-pos aan equineiq@mweb.co.za