UIT DIE KANTOOR

“Listening is often the only thing needed to help someone”. – Onbekend

Ons leerders se emosionele welstand bepaal die manier waarop hul dink, voel en optree. Dit wat ons sê en doen, asook die omgewing, bepaal ons leerders se emosionele gesondheid. “Even the smallest act of caring for another person is like a drop of water – it will make ripples throughout the entire pond.”

“People don’t always need advice. Sometimes all they need is a hand to hold, an ear to listen and a heart to understand.” – Onbekend

Ons wil graag die laaste dag van die kwartaal feesvier. Ons feesdag sal ʼn slenterdag, Kaskardag, ʼn opvoering deur Act Studios en ʼn Paasboodskap vir leerders insluit. Al hierdie items sal binne die COVID-regulasies plaasvind.

Ons waardeer opreg ons ouers se entoesiasme met die bywoning van funksies, oefeninge en wedstryde. Dit is egter nie ons besluit dat ouers nie op die skoolterrein toegelaat word nie. Ons voldoen aan die voorskrifte van die Departement van Onderwys. Ons sal u in kennis stel sodra ons nuwe instruksies ontvang wat ouers op die skoolterrein akkommodeer. Dankie vir u begrip en volgehoue ondersteuning gedurende hierdie besonder moeilike tye.

 

SKOOL SLUIT

Hiermee die tye wat die skool op 26 Maart vir die onderskeie grade sal sluit:
11:15 – skool sluit vir graad 1’s & 2’s
11:30 – skool sluit vir graad 3’s, 4’s & 5’s
11:40 – skool sluit vir graad 6’s & 7’s
11:50 – skool sluit vir graad 8’s & 9’s
12:00 – skool sluit vir graad 10's, 11's & 12’s.

 

MIDINETBAL (GR R + 1), MININETBAL (GR 2 +3) EN BULLETJIE RUGBY (GRAAD R TO GRAAD 2)

Ons is verskriklik opgewonde oor die deelname van soveel van ons dogters en seuns by die Midinetbal, Mininetbal en Bulletjie Rugby.

Dit is ook nog nie te laat om by die oefeninge in te skakel nie. Ons sal graag nog meer van ons leerders betrokke wil sien.

Ons rig ‘n vriendelike versoek dat ouers die inligting op die volgende vorm so volledig as moontlik sal voltooi. 

Ons hoop en vertrou dat die seisoen ‘n wonderlike ervaring vir u seun of dogter sal wees.

 

STUDIEMETODES

Druk asseblief op die onderstaande skakel vir ‘n studiemetodekursus vir Afrikaanssprekende graad 5-tot 7-leerders.

 

2021 KULTUURFEESINLIGTING

Daar word met trots aangekondig dat die jaarlikse Kultuurfees weer binnekort in volle swang gaan wees.
 
Vanjaar se tema is “Next Level”. Baie van die afdelings vereis dat dié tema uitgebeeld moet word. Vergewis u asseblief van elke afdeling se vereistes.

Massadeelname is vir ons ’n prioriteit, daarom wil ons elke leerder aanmoedig om aan ten minste een item deel te neem. Inskrywingsgelde sal slegs betaal word vir handwerk, “Terrific Tekkies”, “Flavour Festival”, “Master Class” en “Leading Ladies”.

Elke deelnemer ontvang ’n sertifikaat. Die beoordelaars se beslissing is finaal. U word vriendelik versoek om u kind te begelei in die keuse en inoefening van items. U is welkom om u kind self af te rig.

Let wel: Die personeel is slegs in beheer van afdelings, maar rig nie self af nie. Verseker asseblief dat u kind goed voorberei vir elke item, aangesien ’n onafgeronde vertoning kinders in die verleentheid kan stel.
 
Punte word vir deelname toegeken. Punte vir deelname, sowel as die simbole wat tydens optredes behaal word, word saam bereken om die algehele beste kultuurleerder te bepaal. Die leerders word by die Big Brag-aand aangekondig.

Let asseblief op die beperkings by die verskillende afdelings en hou ook in gedagte dat van die items op dieselfde dag plaasvind.

Geen laat inskrywings sal aanvaar word nie. Sluitingsdatum vir inskrywings is 26 Maart 2021.

Alle leerders van ons skool mag deelneem en die verrigtinge in die middae as toeskouers bywoon. Geen leerder van ander skole mag aan ons kultuurfees deelneem nie. Ouers mag nie op hierdie stadium kom kyk of luister nie a.g.v. COVID-regulasies.

HOE WERK DIE INSKRYWINGS?
Alle items word via die Ouerpoort ingeskryf, behalwe instrumentaal wat via Google forms ingeskryf moet word. Dit is as gevolg van die verskeidenheid kategorieë wat per instrument beskikbaar is. (Sien skakel op Ouerpoort.)
Volg asseblief die onderstaande skakel na die Ouerpoort en druk op die Students-tab.
Druk op die leerder se foto en kies die “Cultural Festival Entries”-tab.
Vir meer inligting rakende ’n item, druk op die betrokke aktiwiteit.
Oefen jou keuses uit deur op die vierkant te druk. Nadat al die keuses gemaak is, druk op die “Sign Up”-knoppie regs-boaan die skerm.
Die aktiwiteite sal nou onderaan die skerm vertoon en u is suksesvol ingeskryf.

 

DIE UNIFORMWINKEL

Neem asseblief kennis van die winkelure gedurende die vakansie:
26 Maart 2021                        07:00 – 15:00
27 Maart tot 7 April 2021      Gesluit
8, 9, 12 April 2021                 08:00 – 16:00
13 April 2021                          08:00 – 17:00
Vanaf 14 April 2021              07:00 – 17:00

 

WORD WARRIORS

Die graad 6-leerders het gedurende 2020 aan die Engelse skryfkompetisie Word Warriors van Minimag deelgeneem. Ons is verheug om aan te kondig dat Zilu Wei in die top vier in die land en Lara Wiehahn in die top veertien geëindig het. (Lara is in 2019 in die top vier geplaas.)

Midstream College wil graag ons twee sterskrywers gelukwens dat hulle ons skool na die volgende vlak met hulle skryfwerk geneem het.

“To write means more than putting pretty words on a page. The act of writing is to share a part of your soul with the world.”

 

DRAMA

Strydom Dramastudios bied weer vanaf Maart 2021 dramaklasse by die skool aan.

Die klasse sal op Vrydae direk na skool plaasvind.

Kontak gerus vir At Strydom (atterjas@iafrica.com of  0824505887) of Nicoline Wildenboer (nicolinew@midstreamcollege.co.za) vir verdere inligting en inskrywings.

 

KREATIEWE EN PRETVAKANSIEKLUB

’n Vakansieklub vir graad 1- tot 7-leerders word vanaf 29 Maart tot 1 April by die skool aangebied.
Vir enige navrae kontak Louise op 083 412 6834.

 

PRETPRAAT

Die volgende sprekers het uitstekend in die afgelope week se Pretpratersgeleenthede presteer en die volgende trofeë verower:

Graad 2–3:
Graad 2 Mees entoesiastiese spreker: Arné Gildenhuys
Graad 3 Mees entoesiastiese spreker: Adriaan Janse van Rensburg
Graad 2 en 3 Oorspronklikste toespraak: Pierre Jacobs

Graad 4–5:
Graad 4 Mees entoesiastiese spreker: Leara Minny
Graad 4 Oorspronklikste toespraak: Angelique Lombard
Graad 5 Mees entoesiastiese spreker: Elné Gouws en Zander Smit
Graad 5 Oorspronklikste toespraak: Giselle Prinsloo

Graad 6–7:
Graad 6 Mees entoesiastiese spreker: Kehan Minny
Graad 6 Oorspronklikste toespraak: Milka Nieuwenhuis
Graad 7 Mees entoesiastiese spreker: Christoff van den Berg
Graad 7 Oorspronklikste toespraak: Daniel de Bruin

 

RUITERKUNS

Ons is baie opgewonde om die naweek van 27 en 28 Maart by Eaton Farm aan ons eerste kwalifiseerder deel te neem. Midstream College Primêre Skool het 10 ruiters wat meeding en ons wens hulle sterkte toe met hul onderskeie items.

 

GRAAD 8-INSKRYWINGS 2022

Graad 8-inskrywings vir 2022 is tot Vrydag 30 April 2021 beskikbaar. Indien u kind by Midstream College gaan inskryf, moet u asseblief aanlyn aansoek doen.

Besoek asseblief die Midstream College webblad vir al die nodige instruksies en die aanlyn toelatingsvorm.

Vir enige navrae kontak me. Carine Cronje (carinec@midstreamcollege.co.za).

 

SNOEPIE: TUCK IN

Vir u gerief het Tuck In nou ook ’n aanlyn winkel waar u kosblikkies, slaaie, toebroodjies, lekkernye,  gekookte middagetes en kombo’s kan bestel.
Besoek gerus die aanlyn winkel en bestel vandag!