UIT DIE KANTOOR

Herinneringe skep ‘n pad terug na iets wat reeds verby is en wat ‘n mens nie kan terugkry nie, maar wat wel ’n groot invloed op ons lewens gehad het. My grootste wens is om mooi herinneringe vir ons leerders te skep: “Laugh often – Dream big – Reach for the stars”.

Herinneringe is spesiale oomblikke wat ons lewensverhaal vertel. Ons graad 1-leerders se laerskool-verhaal het 40 dae gelede begin. Die herinneringe aan hul eerste paar dae in ons skool is ‘n spesiale tydperk in hul lewens en ons wil ’n besonderse herinnering vir hulle skep. “A special moment may last but a second... yet the memory can live on forever.”

 

GRAAD 1’s – BRUG OORSTEEK-SEREMONIE

Veertig dae is betekenisvol vir ʼn graad 12-leerder, aangesien dit die einde van ’n skoolloopbaan aandui. Terwyl ons graad 1-leerders nie hiervan bewus sal wees nie, is volgende Dinsdag 16 Maart ’n baie spesiale dag vir Midstream College se graad 1’s. Hierdie datum dui hul eerste 40 dae in die “Groot Skool” aan. By Midstream College het ons ’n tradisie begin waar ons graad 1-leerders “die brug oorsteek” om te simboliseer dat hulle deel van die Midstream College-gesin is.

’n Spesiale saalbyeenkoms sal Dinsdag 16 Maart gehou word. Elke graad 1-leerder sal na die verhoog geroep word om die Midstream-brug oor te steek. Hulle sal ’n aandenking ontvang om hierdie spesiale dag in hul lewens te onthou.

As gevolg van Covid-19-protokol kan geen ouers fisies hierdie seremonie bywoon nie. Ons sal ’n video-opname van die seremonie maak en die middag die skakel vir ouers stuur sodat u hierdie spesiale geleentheid in die gemak van u eie huis kan geniet en vier.

Baie geluk aan ons graad 1-leerders, ons is baie trots op julle.

 

MININETBAL-KLINIEKE

Dinsdag 16 Maart           o.8’s vanaf 13:30 tot 15:30.
Donderdag 18 Maart      o.9’s vanaf 14:00 tot 16:30.

 

SWEM

Die Intra-skool Gala vind Dinsdag 23 Maart om 14:30 by die skoolswembad plaas. Swemmers sal ’n uitnodiging ontvang om aan dié gala deel te neem. Geen ouers of toeskouers word volgens COVID-regulasies by die gala toegelaat nie.

 

SKAAK

Ons is baie opgewonde om ons skaakoefeninge weer aan die gang te kry. Almal is welkom, so sluit gerus aan.

Skaakoefeninge vind elke Dinsdag in mnr. Mark Bailey se klas plaas.

Die graad 1 – 3 sessie sal vanaf 14:00 – 14:45 plaasvind.
Die graad 4 – 7 sessie sal vanaf 14:45 – 15:45 plaasvind.

 

DRAMA

Strydom Dramastudios bied weer vanaf Maart 2021 dramaklasse by die skool aan.

Die klasse sal op Vrydae direk na skool plaasvind.

Kontak gerus vir At Strydom (atterjas@iafrica.com of  0824505887), of Nicoline Wildenboer (nicolinew@midstreamcollege.co.za) vir verdere inligting en inskrywings.

 

KREATIEWE EN PRETVAKANSIEKLUB

’n Vakansieklub vir graad 1- tot 7-leerders word vanaf 29 Maart tot 1 April by die skool aangebied.
Vir enige navrae kontak Louise op 083 412 6834.

 

TWEEDEHANDSE KLEREWINKEL

Vir tweedehandse skoolklere, handboeke en sportklere skakel vir Hestha op 082 520 0478.
Gedurende skoolkwartale is die winkel op Maandag- en Woensdagoggende van 07:00 – 08:00 oop. Alternatiewe dae en tye wat die winkel oop is, is ook op die WhatsApp-profielfoto beskikbaar.

 

KOSSAK-PROJEK

Midstream College Primêre Skool reik jaarliks uit na gesinne in nood, deur basiese nie-bederfbare voedsel en ander huishoudelike items te voorsien.
Tesame met KSM wil ons optimaal en effektief voedsel na gesinne in nood versprei. Kossakke word maandeliks deur gesinne gevul en by die skool afgelewer, waarna dit aan KSM oorhandig word vir verspreiding. Alternatiewelik kan u as gesin kies om een of meer (10 in totaal) sakke deur die loop van die jaar te borg, deur maandeliks die bedrag vir ’n sak direk in die kerk se rekening in te betaal.

Dit is ’n maklike manier om by liefdadigheid betrokke te raak en u kinders deel te maak van ’n omgee-projek.

Sien asseblief die pamflet vir meer inligting.

Indien u belangstel, regsitreer asseblief deur die skakel hieronder te volg.

 

GRAAD 8-INSKRYWINGS 2022

Graad 8-inskrywings vir 2022 is tot Vrydag 30 April 2021 beskikbaar. Indien u kind by Midstream College gaan inskryf, moet u asseblief aanlyn aansoek doen.

Besoek asseblief die Midstream College webblad vir al die nodige instruksies en die aanlyn toelatingsvorm.

Vir enige navrae kontak me. Carine Cronje (carinec@midstreamcollege.co.za).

 

SNOEPIE: TUCK IN

Vir u gerief het Tuck In nou ook ’n aanlyn winkel waar u kosblikkies, slaaie, toebroodjies, lekkernye,  gekookte middagetes en kombo’s kan bestel.
Besoek gerus die aanlyn winkel en bestel vandag!