UIT DIE KANTOOR

Terwyl ons die vreugdevolle Mei-maand binnestap, is ons gevul met opgewondenheid en dankbaarheid vir die baie seëninge wat ons omring. Een besonder belangrike geleentheid wat ons bymekaar bring in ontsag en viering, is Hemelvaartdag. Hierdie heilige dag merk 'n deurslaggewende oomblik in die geskiedenis, waar hoop tot nuwe hoogtes gestyg het en onbeperkte moontlikhede vir ons ‘n rigtinggewende lig geword het.
Hemelvaartdag herdenk die buitengewone reis van Jesus Christus, wat na sy opstanding na die Hemel opgevaar het. Dit dien as 'n herinnering aan die triomf van die menslike gees, die krag van geloof en die ewige teenwoordigheid van liefde en deernis in ons lewens.
Mag hierdie Hemelvaartdag vir jou en jou geliefdes 'n bron van inspirasie, hoop en vreugde wees. Mag dit ons herinner daaraan dat ons almal verbind is, en dat ons gedeelde reis gevul is met liefde en Goddelike genade. Laat ons die seëninge van hierdie dag omhels en die gees daarvan deur die jaar in ons harte dra.

 

YADAH

Hierdie week bid ons vir al ons ma’s. Ons bid God se rykste seën oor elke mamma en dat God se genade in oorvloed oor hulle uitgestort sal word. Ons dank God vir ons ma’s se toewyding, passie, liefde en leiding. Ons bid dat elke ma deurlopend deur God versterk sal word en dat sy vreugde en geluk in elke mooi oomblik van ma-wees sal ervaar.

 

NETBAL

Neem asseblief kennis dat die netbalwedstryde van 16 Mei na Maandag 29 Mei te Monumentpark uitgestel is.

 

ROOIKATTE PRIVAATSKOLE RUGBY

Ons onder 13-seuns het die afgelope naweek aan die Rooikatte Privaatskole Rugbyproewe deelgeneem. Baie geluk en welgedaan aan die volgende seuns:

• Jayden Meiring
• Giovan Rodi
• Matthieu de Venage
• Richard Morris
• Lian Strauss
• Hanro de Villiers
• Beyers Pretorius
• Zander Smit
• Liam Jacobs
• Rikus Holtzhauzen

Hulle is almal vir ’n span van 30 spelers gekeur (7 nie-reisende reserwegroep). ’n Span van 23 spelers sal na die komende twee oefensessies vir die toer gefinaliseer word.

 

NORTHERNSHOKKIE

Baie geluk aan die volgende hokkiespelers met hulle insluiting in die Northerns provinsiale hokkiespan. Hierdie spelers sal hul provinsie gedurende die Junie/Julievakansie verteenwoordig.

Ons is baie trots op julle en sien uit daarna om te sien watter wonderlike hoogtes julle gaan bereik.

o.13-seuns:
Lethabo Lefakane: A-span
Markus Swanepoel: A-span
Sino SitholeA-span

o.13-dogters:
Isabella Ferreira: A-span
Janelle Kirkpatrick: A-span
Carli Venter: B-span
Warona Tsatsane: B-span

o.12-seunsgroep
Lange Langa

o.12-dogtersgroep
Leara Minny
Amelie Ponting

 

INTERNATIONAL BENCHMARK TEST

Elke jaar skryf die graad 3’e en graad 6’e ’n internasionale normtoets, naamlik die International Benchmark Test. Hierdie toetse word in Australië opgestel en die standaard is baie hoog. Ons wil graag die volgende leerders gelukwens met hul uitsonderlike resultate. Ons as skool is baie trots op julle.

 

Graad 3 (2022)
Sertifikaat van Onderskeiding 
Brons

 

KOSSAK-PROJEK
MIDSTREAM GEE OM – RAAK BETROKKE!

Midstream College Primêre Skool reik jaarliks uit na gesinne in nood, deur basiese nie-bederfbare voedsel en ander huishoudelike items te voorsien. Tesame met KSM wil ons optimaal en effektief voedsel na gesinne in nood versprei. Kossakke word maandeliks deur Midstream-gesinne gevul en by die skool afgelewer, waarna dit aan KSM oorhandig word vir verspreiding. Alternatiewelik kan u as gesin kies om sakke deur die loop van die jaar te borg, deur maandeliks die bedrag vir ’n sak direk in die kerk se rekening in te betaal.

Dit is ’n maklike manier om by liefdadigheid betrokke te raak en u kinders deel te maak van ’n omgee-projek.

Indien u belangstel, registreer asseblief deur die skakel hieronder te volg.

 

YADAH

Wanneer: Elke Dinsdag 
Tyd: 14:00 – 15:00
Plek: Me. Carina de Villiers se klas (Blok 4, op boonste verdieping)

Die Yadah is ’n buitemuurse aktiwiteit wat onder die kultuur-sambreel val en daarom ook deel van die Big Brag sal wees aan die einde van die jaar. Hierdie groep wil vir alle leerders (graad 1 – 7) ’n veilige, gelukkige plek skep waar hulle meer van God kan leer, Hom kan loof en prys en aktief by uitreikprojekte betrokke kan wees.

Elke “sessie” sal uit die volgende bestaan:
• Boodskap uit die Bybel
• Loof en prys God deur sang
• Praktiese aspekte van ’n projek / speletjies / lekker aktiwiteite

Yadah beteken om God met uitgestrekte hande te prys. Ons wil God eer deur daadwerklik op te tree en te help deur projekte wat werklik ’n verskil in ander se lewens sal maak.
 
Indien u kind by die Yadah betrokke wil raak, stuur hom/haar Dinsdag om 14:00!