UIT DIE KANTOOR

Ons wil graag van hierdie geleentheid gebruik maak om al ons ouers aan die reëls rakende die bywoning van geleenthede, te herinner.
• Binnenshuise plekke/lokale word toegelaat om ’n maksimum van 1 000 persone te akkommodeer;
• Buitenshuise plekke/lokale word toegelaat om ’n maksimum van 2 000 persone te akkommodeer;
• Indien ’n plek/lokaal te klein is om hierdie maksimum getalle te akkommodeer, word die getalle tot 50% van daardie plek/lokaal se kapasiteit beperk.

Elke persoon wat ʼn plek/lokaal betree waar ’n sport of kulturele aktiwiteit plaasvind, moet:
(a) ’n gesigmasker dra;
(b) aan alle gesondheidsprotokolle voldoen;
(c) ’n afstand van ten minste een en ʼn half meter tussen mekaar handhaaf.

’n Eienaar of operateur van ’n sportfasiliteit of ’n organiseerder van ’n sportbyeenkoms moet verseker dat daar aan die beperking op die aantal persone wat so ’n byeenkoms bywoon, voldoen word. Indien die eienaar van ’n sportfasiliteit of die organiseerder van die geleentheid nie aan die regulasies voldoen nie en daar bevind word dat hierdie riglyne oortree is, sal hulle aanspreeklik gehou word en kan ’n boete of tronkstraf tot ʼn maksimum tydperk van ses maande opgelê word. Indien ’n beampte wat die regulasies moet toepas en die nakoming van Covid-19-protokolle by ’n geleentheid monitor, bevind dat hierdie riglyne nie nagekom word nie, mag personeel persone beveel om die lokaal te verlaat. Indien die persoon weier, kan hulle beboet word of tronkstraf opgelê word.

As gevolg van die bogenoemde redes mag skole nie altyd by elke geleentheid toeskouers toelaat nie.

 

DISTRIKATLETIEK

Die volgende atlete sal aan die Distrik-atletiekbyeenkoms deelneem wat Vrydag 25 Februarie by Hoërskool Zwartkop plaasvind.

Ons wens hierdie atlete alle sterkte toe en is seker dat ons ’n paar name na die Gauteng-kampioenskappe sal sien deurdring.

 

AANSOEKE VIR GRAAD 1 2023

Ouers word versoek om asseblief graad 1-aansoeke vir 2023 voor die einde van April 2022 in te dien.

Neem kennis dat die skool na ʼn aanlynaansoeksisteem oorgeskakel het. Geen aansoeke per e-pos of as harde kopie nie, asseblief. Volg die skakel na Toelatings:

Vir enige navrae, kontak asseblief vir Corrie Burger (by corrieb@midstreamcollege.co.za of 012 940 9122).

 

GRAAD 8-INSKRYWINGS 2023

Graad 8-inskrywings vir 2023 sluit Vrydag 29 April 2022. Indien u kind by Midstream College gaan inskryf, moet u asseblief aanlyn aansoek doen.

Besoek asseblief die Midstream College webblad vir al die nodige instruksies en die aanlyn toelatingsvorm.

Vir enige toelatingsnavrae, kontak me. Carine Cronje. (carinec@midstreamcollege.co.za)