RAPPORTE

Die rapporte sal op Vrydag 24 Junie om 12:00 op die Ouerpoort beskikbaar wees.

 

24 JUNIE

Ons sluit die kwartaal op ’n hoë en aktiewe noot af. Die leerders sal ’n roete van 1 km (graad 1 – 3) of
1.6 km (graad 4 – 7) draf/stap. Daar sal ook ander pretaktiwiteite wees waaraan leerders sal deelneem, bv. driebeenresies, sakresies, toutrek, ens.
Kleredrag: L.O.-drag / Skoolsweetpak
Onthou om sonblok aan te smeer en ’n hoed te dra.

 

SPREEKKOOR

Neem asseblief kennis van die volgende:

 • Ekstra Spreekkoor-oefening: Vrydag 29 Julie 14:00 – 16:00 in die saal. (Almal moet asseblief 
   teenwoordig wees.)
• Centurion Kunstefees: Saterdag 27 Augustus.

 

OUERMIDDAG

Die ouermiddag vind op Woensdag 27 Julie plaas. Ouerafsprake sal weer soos in die verlede in persoon in die onderskeie onderwysers se klaskamers of kantore, plaasvind. Afsprake moet asseblief op die Ouerpoort gemaak word. Die Ouerpoort sal vanaf Donderdag 21 Julie om 14:00 tot 27 Julie om 12:00 oop wees. Geen afsprake kan dus later as 12:00 op Woensdag 27 Julie gemaak word nie.

Teken aan op die Ouerpoort met u “Parent ID” (kode begin met die waarde 3) en wagwoord.
Druk op die “Student tab”.
Druk op die leerder se foto.
Druk op die “Parent/Teacher Appointments”.
Kies ’n onderwyser.
Druk op ’n tydsgleuf. U sal dan ’n epos ter bevestiging van u afspraak ontvang.

 

TOELATING VIR GRAAD 8’S VIR 2023

As gevolg van die oormaat aansoeke vir graad 8 vir volgende jaar sal die toelatingsproses in fases geskied. Die toelatingskriteria berus hoofsaaklik op akademiese prestasie. Die eerste fase is afgehandel en ’n aantal leerders sal dienooreenkomstig ingelig word. Faktore soos of u binne een van die Midstreamlandgoedere bly, of u reeds kinders in die hoërskool het en of u kind in een van ons laerskole was, speel ook ’n rol, maar ongelukkig is laasgenoemde geen waarborg vir ’n plek vir u kind nie.

Tydens fase twee sal leerders se tweede kwartaal rapporte verder in ag geneem word en sal daar weer ’n klompie leerders aan die begin van die derde kwartaal aanvaar word. Wees asseblief geduldig. Ons sal wel aanbeveel dat u ook ’n plan B het. Nadat die toegelate leerders hul plekke aanvaar het en hul deposito’s betaal het, sal finale getalle gefinaliseer word. As gevolg van kansellasies en plekke wat oopgaan, sal daar aan die begin van die vierde kwartaal weer enkele leerders toegelaat word.

 

DIE UNIFORMWINKEL JUNIE/JULIE-VAKANSIE HANDELSURE

Vrydag 24 Junie:        07:00 – 15:00
27 Junie – 13 Julie:   Gesluit
14 – 15 Julie:             08:00 – 16:00
18 Julie:                     08:00 – 17:00